15 снежня 2022 г. В. М. Семяняка выступіў на пасяджэнні экспертнага савета пры Савеце Рэспублікі Нацыянальнага сходу Рэспублікі Беларусь з інфармацыяй па праектах законаў Рэспублікі Беларусь “Аб змяненніЗакона Рэспублікі Беларусь “Аб Нацыянальным сходзе Рэспублікі Беларусь” і “Аб змяненні Закона Рэспублікі Беларусь “Аб статусе дэпутата Палаты прадстаўнікоў, члена Савета Рэспублікі Нацыянальнага сходу Рэспублікі Беларусь “.
У ліку асноўных навацый — устанаўленне 5-гадовага тэрміну паўнамоцтваў Парламента, змяненне тэрмінаў пачатку і заканчэння сесіі, заслухоўванне штогадовых пасланняў Прэзідэнта Парламенту на пасяджэнні Усебеларускага народнага сходу, вызначэнне ўдзелу дэпутатаў Палаты прадстаўнікоў, членаў Савета Рэспублікі ў рабоце Усебеларускага народнага сходу ў якасці дэлегата як формы дзейнасці парламентарыяў.
На думку экспертаў, прыняцце законапраектаў дасць магчымасць прывесці названыя законы ў адпаведнасць з абноўленай Канстытуцыяй, а таксама забяспечыць паўнату і завершанасць прававога рэгулявання дзейнасці Парламента і парламентарыяў.