Галоўная хрысціянская Літургія — Пасхальная Вігілія ў Святую ноч прайшла ў касцёле Святога Андрэя ў суботу, 3 красавіка.
Для многіх вернікаў Слонімшчыны наведванне храма ў гэты дзень — важная традыцыя.
Урачыстасць пачалася з асвячэння новага агню, ад якога была запалена вялікая васкавая свечка — пасхал — сімвал уваскрослага Хрыста. З асвячэння распачынаецца святкаванне — З памерлых паўстання Пана.
Калі новы Пасхал быў унесяны ў касцел, вернікі запальвалі ад яго свечкі — такім чынам яны перадаюць адзін адному Святло Хрыста.
У нядзелю, 4 красавіка, у касцеле адбудзецца Святая імша з Рэзурэкцыйнай працэсіяй.
Хрыстос Уваскрос! Сапраўды Уваскрос!
Таццяна ДЗЕНІСЮК.