У гэтым годзе Масленіцу святкавалі ў перыяд з 8 па 14 сакавіка. Яркае і маляўнічае свята” Масленіца гуляла – вясну сустракала” прайшло ў шосты школьны дзень у нашай установе адукацыі, якое парадавала і малых, і дарослых.
На свяце прысутнічала многа навучэнцаў, іх бацькоў і бабуляў. Разнастайныя спартыўныя спаборніцтвы, песні, вясёлыя прыпеўкі , смех і шум – прыметы масленічных забаў. І, канечне, самым галоўным сімвалам свята з’яўляліся бліны з варэннем, згушчаным малаком, тварагом, якія ў гэты святочны дзень разыходзіліся на “ўра”.
Свята на вуліцы – гэта цудоўная магчымасць выйсці са сваіх дамоў і кватэр, падыхаць свежым паветрам і адчуць сябе членам вялікай дружнай школьнай сям’і. Духмяная гарбата і масленічныя бліны завяршылі Масленіцу ў нашай установе адукацыі.
Неабходна памятаць і пра тое, што Масленіца рыхтуе нас да Вялікага посту – часу пакаяння, разваг пра жыццё чалавека, пра тое, што нам яшчэ трэба зрабіць для свайго духоўнага ўзбагачэння .
Крачко Аксана, настаўнік беларускай мовы і літаратуры, ДУА “Навучальна-педагагічны комплекс Сялявіцкі яслі-сад – базавая школа Слонімскага раёна”