У філіяде “Гарадская бібліятэка №4” быў праведзены ўрок-знаёмства “Слава кніжцы беларускай”, прысвечаны Дню славянскага пісьменства і культуры. Удзельнікі мерапрыемства, вучні 4 “А” класа СШ №10 (класны кіраўнік Вольга Міхайлаўна Малафей), азнаёміліся з дзейнасцю Кірыла і Мяфодзія.
Айцец Генадзій Логін прывёз цудоўную выставу старажытных кніг. Навучэнцы даведаліся пра гісторыю ўзнікнення кніг, з чаго яны вырабляліся ў розныя часы і ў розных краінах. З задавальненнем вучні слухалі павучальныя прытчы. У канцы мерапрыемства айцец Генадзій падараваў бібліятэцы кнігі пра жыццё і духоўныя подзвігі Манефы Гомельскай.
Наталля МЕЛЬНІК.