У выставачнай зале “Ад мінулага да сучаснага” Слонімскага аддзела рамёстваў адбылося ўрачыстае адкрыццё выставы “Велікодныя цуды”, у якой прадстаўлены творчыя работы майстроў Слонімшчыны.
Хутка Вялікдзень, таму самы час акунуцца ў перадсвяточную атмасферу.
Тэматычныя работы, якія зроблены ў традыцыйных і сучасных тэхніках дэкаратыўна-прыкладнога мастацтва, уразілі і малодшую і сталую аудыторыю.
Вялікую зацікаўленасць выклікала ўнікальная калекцыя разьбяных яек творчай сям’і Петраневіч. Дзеці з ахвотай назіралі за працэсам стварэння узораў на шкарлупіне падчас майстар-класа ад Мікалая Аляксеевіча.
Цудоўныя работы натхнілі юных наведвальнікаў на заняткі творчасцю.
Запрашаем усіх на выставу.